Праваабарончы цэнтр «ВЯСНА»

Навіны за Травень 2009

18.05.2009 Прызначаная дата суду над праваабаронцай Тамарай Шчапёткінай

Разгляд адміністрацыйнай справы бярозаўскай актывісткі і праваабаронцы Тамары Шчапёткінай прызначаны ў судзе Бярозаўскага раёна на 16 гадзін 20 траўня. Актывістку вінавацяць у парушэньні парадку арганізацыі і правядзеньня масавага мерапрыемства.

18.05.2009 Крымінальная справа супраць Леаніда Свеціка накіраваная ў суд

Як стала вядома віцебскаму праваабаронцу Леаніду Свеціку, у мінулую пятніцу абласная пракуратура перадавала крымінальную справу, узбуджаную супраць яго па ч.1 арт. 130 КК РБ у абласны суд.

18.05.2009 Затрыманьні ў Дзень Салідарнасьці 16 траўня

16 траўня пасьля акцыі, прысвечанай Дню салідарнасці на Кастрычніцкай плошчы ў Мінску, пераапранутыя супрацоўнікі міліцыі затрымалі ў падземным пераходзе ўдзельнікаў акцыі: Аляксея Вяргейчыка, Паўла Кур’яновіча, Вікторыю Ладзіс, Уладзімера Яроменку, Багуслава Рэвякова. Пасьля праверкі асабістых рэчаў у актывістаў перапісалі прозвішчы і адпусьцілі без складаньня пратаколаў.

18.05.2009 Радзькоў збіраецца закрыць усе філіялы недзяржаўных вну

Тысячы студэнтаў, якія працуюць у рэгіёнах, могуць застацца без вышэйшай адукацыі з–за жадання міністра адукацыі.

18.05.2009 ПКБ можа стаць «Радзімай»

18 траўня Мінгарвыканкам нарэшце выдзеліў Партыі камуністаў беларускай памяшканне для правядзення чарговага з’езду. Ён адбудзецца 23 траўня ў ДК Мінскага трактарнага заводу.

18.05.2009 Партыя свабоды і прагрэсу ў чацвёрты раз падала дакументы на рэгістрацыю

Партыя свабоды і прагрэсу ў чацвёрты раз падала дакументы на рэгістрацыю. Пра гэта паведаміў старшыня партыі Ўладзімір Навасяд.

18.05.2009 Журналісту «Бобруйского курьера» адмовілі ў інфармацыі

Па ўсіх пытаннях карэспандэнту газеты прапанавалі звяртацца ў аддзел ідэалагічнай працы.

18.05.2009 Маладафронтаўцы пагадзіліся спыніць галадоўку

Маладафронтаўцы пагадзіліся спыніць галадоўку пасьля таго, як Павал Севярынец, Мікола Статкевіч, Лявон Баршчэўскі, Аляксандар Мілінкевіч і Вячаслаў Сіўчык заявілі, што бяруць адказнасьць за вызваленьне ваўкавыскіх прадпрымальнікаў на сябе. Яны паабяцалі выкарыстаць усе палітычныя, міжнародныя й іншыя магчымасьці для таго, каб прадпрымальнікі як мага хутчэй выйшлі на волю.

18.05.2009 КДБ спрабуе схіліць маладафронтаўку да супрацы

Днямі на факультэт журналістыкі БДУ, дзе навучаецца актывістка Маладога Фронту Надзея Пекарская, прыйшлі супрацоўнікі КДБ.

18.05.2009 Міністр абароны дазволіў Івану Шылу здаць іспыт

Міністр абароны Леанід Мальцаў станоўча адказаў на просьбу “Маладога Фронту” дазволіць палітвайскоўцу Івану Шылу здаць выпускны іспыт.

15.05.2009 Зінаіда Ганчар так і не атрымала ад пракуратуры інфармацыі пра вынікі расследавання па справе аб знікненні свайго мужа

Жонка выкрадзенага ў верасні 1999 года апазіцыйнага палітыка Віктара Ганчара ўжо каторы год спрабуе атрымаць ад пракуратуры інфармацыю пра папярэднія вынікі расследвання па справе знікнення свайго мужа. Супрацоўнікі пракуратуры фактычна ігнаруюць усе звароты Зінаіды Ганчар.

15.05.2009 Распрацаваныя змены ў выбарчае заканадаўства, якія ўлічаць пажаданні АБСЕ

У Беларусі распрацаваны законапраект аб унясенні зменаў у выбарчае заканадаўства. Пра гэта паведаміў дырэктар Нацыянальнага цэнтра заканадаўства і прававых даследаванняў Валерый Міцкевіч.

15.05.2009 У Віцебску зноў затрымалі Барыса Хамайду

Апазыцыянэра Барыса Хамайду зноў затрымалі ў Віцебску каля “сіняга дому” (вуліца Леніна, 28), дзе ён зазвычай распаўсюджвае незалежную прэсу.

15.05.2009 Дэпутаты ўхвалілі дэкрэт пра экстраннае адабранне дзяцей у бацькоў

Дэпутаты Палаты прадстаўнікоў Нацыянальнага сходу на пасяджэнні 15 мая ўхвалілі змяненні ў дэкрэт прэзідэнта № 18 ад 24 лістапада 2006 года "Аб дадатковых мерах па дзяржаўнай абароне дзяцей у непаспяховых сем'ях".