Праваабарончы цэнтр «ВЯСНА»

Навіны за 20 траўня 2009

20.05.2009 У праваабаронцаў не прынялі перадачу для Мікалая Аўтуховіча

Сёння, 20 траўня, праваабаронцы Уладзімір Лабковіч і Валянцін Стэфановіч наведалі Рэспубліканскую бальніцу МУС з тым, каб зрабіць перадачу для Мікалая Аўтуховіча. Але адміністрацыя гэтай установы вырашыла не перадаваць хвораму зняволенаму нават ваду. Аргумент: “гэтаю вадою вы хочаце атруціць Аўтуховіча”.

20.05.2009 Суд разгледзіць скаргу Івана Шылы 4 чэрвеня

Скарга вайскоўца Івана Шылы аб незаконным прызыве ў войска будзе разгледжаная Салігорскім раённым судом 4 чэрвеня. Пачатак аб 11:00. Суддзя — сп.Самойлік.

20.05.2009 Беларусь можа разгледзець пытанне аб увядзенні мараторыя на пакаранне смерцю

Беларусь можа разгледзець пытанне аб увядзенні мараторыя на пакаранне смерцю, лічыць намеснік старшыні камісіі па правах чалаевка, нацыянальных адносінах і сродках масавай інфармацыі Палаты прадстаўнікоў Анатоль Глаз. Пра гэта ён заявіў 20 мая на прэс-канферэнцыі ў Менску.

20.05.2009 Менгарвыканкам прыступіў да экспрапрыяцыі будынка царквы «Новае жыццё»

Супрацоўнікі жыллёва-камунальнай гаспадаркі атрымалі распараджэнне менскіх улад прыняць на баланс будынак царквы «Новае Жыццё».

20.05.2009 Мінспорт просіць рыхтаваць беларускамоўных экскурсаводаў

У сённяшнім нумары газеты "Звязда" змешчаны артыкул "У Беларусi дэфiцыт беларускамоўных экскурсаводаў, у якім паведамляецца, што Мiнiстэрства спорту i турызму мае намер звярнуцца ў ВНУ, якiя рыхтуюць кадры ў турыстычнай сферы, з просьбай больш увагi надаваць вывучэнню беларускай мовы. У прыватнасцi, гэта датычыцца спецыялiстаў экскурсiйнай справы.

20.05.2009 Па ўсіх пытаннях журналістаў недзяржаўных СМІ скіроўваюць да ідэолагаў

Адказ на пытанне, дзе ў Баранавічах падлеткам можна катацца на скейтбордах, незалежным журналістам давялося шукаць ва ўпраўленні ідэалогіі гарвыканкама.

20.05.2009 ТБМ заклікала выпускнікоў абіраць беларускую мову падчас тэставання

У заяве арганізацыі адзначаецца, што сёлета ў сувязі са школьнай рэформай школу заканчвае значна больш маладых людзей, чым у ранейшыя гады, а тых, хто жадае паступіць у ВНУ, чакае тэставанне, запіс на якое ўжо пачаўся.

20.05.2009 Судовыя выканаўцы ў чарговы раз апісалі маёмасць Сяргея Панамарова

Дом Сяргея Панамарова наведалі судовыя выканаўцы. Яны шукалі маёмасць, якую можна канфіскаваць для пакрыцця штрафаў.

20.05.2009 Бунько і Рудога будуць судзіць

25 траўня, будуць судзіць лідскіх моладзевых актывістаў Ганну Бунько і Яўгена Рудога. Яўген і Ганна атрымалі позвы ў суд, у якіх зазначана, што юнакі парушылі артыкул 17.1 КоАП РБ "Парушэнне правілаў правядзення масавых мерапрыемстваў".

20.05.2009 «Адзін дзень палітвязьня» ад Радыё Свабода

20 мая спаўняецца 55 гадоў беларускай службе Радыё Свабода. Да гэтай гадавіны выйшла кніга "Адзін дзень палітвязьня", пятнаццатая з серыі "Бібліятэка Свабоды. XXI стагодзьдзе". У кнізе — гісторыі 41 беларускага палітвязня ад 1996-га па 2008 год. У гасцях у "Народнай Волі" укладальніца кнігі, карэспандэнтка "Свабоды" Ганна Соусь.