Судзяць берасцейцаў: Сліжу – штраф у памеры 45 базавых
Андрэй Шарэнда і Андрэй Сліж.
Суд Ленінскага раёна Берасця 10 снежня разгледзеў адміністрацыйную справу Андрэя Сліжа.
На актывіста за удзел у несанкцыянаваным пікеце кандыдата ў дэпутаты Паліны Шaрэнда-Панасюк падчас парламенцкай кампаніі быў складзены пратакол па ч.3 артыкула 23.34 КаАП.
Андрэй Сліж падаў агучаныя раней хадайніцтвы ў пісьмовай форме і заявіў адвод суддзе Дзмітрыю Шурыну.
Хадайніцтва адхіляецца. На знак пратэсту Сліж пакідае зал суда, разам з ім зышлі амаль усё прысутныя. Яны не бачаць перад сабой суд і не жадаюць на ім прысутнічаць.
У якасці сведкі выступае супрацоўнік міліцыі Сяргей Маслаў.
25 кастрычніка ён у цывільнай форме сачыў за праванарушальнікамі побач з кінатэатрам Беларусь. Там былі сцягі, раздаваліся ўлёткі антыўрадавай скіраванасці.
Сліж толькі раздаваў улёткі.
У матэрыялах справы далучаная улётка “Стоп завод АКБ”.
Выносіцца пастанова – прыцягнуць да адміністрацыйнай адказнасці ў выглядзе штрафу ў памеры 45 базавых велічынь.
