Сясцёр Пашко пракуратура папярэдзіла і за Плошчу, і за ўдзел у БХД

2011 2011-01-26T11:33:48+0200 1970-01-01T03:00:00+0300 be http://spring96.org/files/images/sources/henprakuratura.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Юля і Кацярына Пашко з Брэста 25 студзеня атрымалі афіцыйнае папярэджаньне аб недапушчэньні парушэньня заканадаўства, падпісанае саветнікам юстыцыі Аляксандрам Точкам. Падставамі для папярэджаньня стала нібыта актыўная дзейнасьць у Беларускай хрысціянскай дэмакратыі і ўдзел у масавых беспарадках 19 снежня 2010 года ў Мінску.

Супрацоўнік Брэсцкай абласной пракуратуры Міховіч, да якога былі выкліканыя сёстры, не дапусьціў да размовы ў якасьці грамадскага прадстаўніка праваабаронцу Уладзіміра Вялічкіна, да якога дзяўчаты звярнуліся па дапамогу.

Па словах праваабаронцы Уладзіміра Вялічкіна, правы Юлі і Кацярыны Пашко адназначна парушаны работнікам пракуратуры Міховічам. Паколькі сёстры былі пазбаўленыя канстытуцыйнага права на прадстаўленьне інтарэсаў у дзяржустановах.

Па-другое, Пашко сцвярджаюць, што не з’яўляюцца актыўнымі сябрамі незарэгістраванай Беларускай хрысціянскай дэмакратыі і пракуратура не валодае  доказамі пра іх актыўны ўдзел. Калі ж Юля і Кацярына прымалі актыўны ўдзел у беспарадках 19 снежня, дык чаму іх не затрымалі адразу, не склалі пратакол і не разгледзелі справу ў судзе, сцвярджае праваабаронца Вялічкін.

Цікава, што па словах работніка пракуратуры Міховіча, пра ўдзел у акцыі на Плошчы нібыта паведаміў на допыце Зміцер Шурхай – давераная асоба экс-кандыдата ў прэзідэнты Віталя Рымашэўскага.

Аднак, як паведамляе "Радыё Рацыя" Зміцер Шурхай катэгарычна адмовіўся ад гэтага факту:

– Я заяўляю, што 19 снежня ў Мінску Юлію Пашко і Кацярыну Пашко я не бачыў і ніякіх сведчанняў пра тое, што яны прымалі ўдзел вечарам у акцыі пратэсту 19-га не даваў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international