Навіны на тэму: катаванні
26.02.2009 26 лютага - касацыйны суд у справе Франака Вячоркі
26 лютага ў 15:00 у Менскім гарадзкім судзе (вул. Дуніна-Марцінкевіча, д.1) пачнецца слуханьне скаргі на рашэньне раённага суду ў справе незаконнага прызыву Франака Вячоркі ў войска. Касацыйную скаргу падаў бацька Франака Вінцук Вячорка, які ёсьць афіцыйным прадстаўніком свайго сына ў судзе.
24.02.2009 Зьмітру Хведаруку зрабілі апэрацыю
Як паведамляе прэсавая служба “Маладога фронту”, сёньня ў галоўным вайсковым шпіталі Міністэрства абароны Беларусі сябру арганізацыі, нядаўна забранаму ў войска Зьмітру Хведаруку была зробленая апэрацыя на вене.
24.02.2009 Скаргу Шылы разгледзяць вайскоўцы
Салігорскі гарадскі суд 20 лютага прыняў рашэнне перадаць скаргу Івана Шылы ў Лепельскі міжгарнізонны вайсковы суд.
24.02.2009 Ваенная пракуратура пацьвердзіла факт зьбіцьця Ф.Вячоркі ў дзень “прызыву”
Вінцук Вячорка як прадстаўнік гвалтам забранага ў войска Францішка Вячоркі атрымаў зь Менскай міжгарнізоннай ваеннай пракуратуры адказ на скаргу ад 29 студзеня, адрасаваную Беларускаму ваеннаму пракурору.
20.02.2009 У войску Івану Шылу пагражаюць дысбатам
Гвалтоўна прызваных у войска Франка Вячорку і Зьмітра Хведарука абсьледавалі ў Рэспубліканскім вайсковым шпіталі, але з розных прычын адмовілі ў шпіталізацыі.
06.02.2009 Валянцін Стэфановіч: “Праблемы катавання і грамадскага кантролю над органамі ўнутраных спраў, спецслужбамі не губляюць актуальнасці для Беларусі”
Абмеркаванне сітуацыі недаверу грамадскасці да судоў і пракуратуры, суровых рэаліяў пенітэцыярнай сістэмы апошнім часам набыло новы размах у нашым грамадстве. Паколькі адпаведная інфармацыя з’яўляецца дастаткова закрытай, а часам і засакрэчанай, складана ацаніць маштабнасць гэтых праблемаў. Але, нягледзячы на тое, яны з’яўляюцца рэаліямі нашых дзён.
04.02.2009 Беларусь ратыфікавала Канвенцыю ААН супраць катаванняў, але не выконвае міжнародныя абавязальніцтвы
У міжнародным праве фармулёўку тэрміну “катаваньне” ўтрымлівае “Канвенцыя супраць катаванняў ды іншых жорсткіх, бесчалавечных альбо прыніжаючых годнасць відаў абыходжання і пакарання”, прынятая Генеральнай Асамблеяй ААН 10 снежня 1984 і ратыфікаваная Рэспублікай Беларусь 13 сакавіка 1987 году.
04.02.2009 Катаванні супраць апазіцыі – рэальнасць лукашэнкаўскай Беларусі
Беларускія праваабаронцы заяўляюць аб фактах здзекаў над апазіцыяй з боку сілавых структур.
29.01.2009 Моладзевы Саюз "Наша Україна" правеў пікет супраць незаконных прызываў у войска
Моладзевы Саюз “Наша Україна” правеў пікет ля амбасады Беларусі ў Кіеве з патрабаваньнем спыніць палітычныя рэпрэсіі у дачыненьні да грамадзкіх актывістаў у Беларусі. Нагодаю для пратэсту стаў незаконны прызыў у войска лідэра Моладзі БНФ Франака Вячоркі.
28.01.2009 Франак Вячорка адпраўлены ў вайсковую частку ў Баранавічы
Франак Вячорка адпраўлены ў войска. Як стала вядома, яго накіравалі ў Баранавічы, у радыётэхнічную вайсковую частку.
28.09.2008 У Віцебску зьбілі журналіста і фатографа Ўладзімера Базана
У Віцебску каля 20 й гадзіны вечара зьбілі рэдактара недзяржаўнай газэты «Курьер из Витебска» Уладзімера Базана. Калі ён разам з жонкай ён вяртаўся дахаты, ля ягонага дому на яго напалі невядомыя, моцна ўдарылі галавой аб сьценку і разьбілі яе да крыві. Жонка выклікала «хуткую дапамогу», якая адвезла Ўладзімера Базана ў траўмапункт.
19.09.2008 Удзельнікаў кампаніі «Байкот» міліцыянты збівалі дубінкамі
Уначы 18 верасня ў Савецкім раёне Менска за расклейку налепак «Байкот!» былі арыштаваныя актывісты грамадзянскай кампаніі «Еўрапейская Беларусь» Сцяпан Лаўрэцкі і Вадзім Саколін. Як паведамілі прэс-цэнтру Хартыі’97 самі затрыманыя, пры арышце да іх ужылі фізічную сілу: білі дубінкамі па нагах і спіне. У іх адразу жа забралі мабільныя тэлефоны, не даўшы патэлефанаваць ні бацькам, ні сябрам.
17.09.2008 Збітыя ў Мінску спецназам апазіцыянеры пададуць скаргі ў пракуратуру
Пацярпелыя падчас разгону акцыі салідарнасці ў Мінску 16 верасня апазіцыянеры маюць намер абскардзіць дзеянні супрацоўнікаў міліцыі ў пракуратуры.
17.09.2008 Акцыя Салідарнасьці завяршылася збіцьцём і разгонам
17 верасьня ўвечары на акцыю Салідарнасці са зьніклымі на Кастрычніцкую плошчу прыйшлі палітыкі, блізкія і сваякі зніклых палітыкаў і журналістаў, дэмакратычная моладзь. Сярод прысутных - Анатоль Лябедзька, Аляксандар Бухвостаў, Вінцук Вячорка, Лявон Баршчэўскі, Ігар Рынкевіч, Зінаіда Ганчар, Сяргей Калякін, Міхаіл Пашкевіч, Вольга Казуліна: усяго каля 50 чалавек. Удзельнікі акцыі трымалі у руках партрэты зьніклых палітыкаў і грамадзкіх дзеячаў (Ганчара, Захаранкі, Красоўскага, Завадзкага). Нагадаем, што дзевяць гадоў назад, 16 верасьня, у Менску бясьследна зьніклі Віктар Ганчар і Анатоль Красоўскі.
16.09.2008 Зьбілі за бел-чырвона-белы сьцяг
У Гомлі падчас сьвяткаваньня Дня гораду міліцыя схапіла мясцовага актывіста незарэгістраванага “Маладога фронту” Андруся Цянюту зь бел-чырвона-белым сьцягам. Было гэта вечарам 13 верасьня. Андрусь з паплечнікамі ішоў на канцэрт да Лядовага палацу. Міліцыянты выхапілі з натоўпу маладафронтаўца са сьцягам і, зьбіваючы, павалілі на зямлю.
