У Магілёве затрыманы Сяргей Пехцераў, у Мінску - журналіст Семчанка і яшчэ дзесятак людзей Дапоўнена
Сяргей Пехцераў. Фота: Радыё Свабода
шГарадскога актывіста і аўтара розных культурніцкіх праектаў з Магілёва Сяргея Пехцерава раніцай 10 верасня выклікалі позвай у Ленінскі РУУС Магілёва.
Затым патэлефанавалі ягонай жонцы і паведамілі, што Сяргей затрыманы. Прычыну затрымання не патлумачылі.
Сувязі з актывістам няма і дагэтуль.
У Мінску затрыманы Дзмітрый Семчанка, які ў жніўні сышоў з прэзідэнцкага пула.
Як паведамляе “Наша Ніва”, прыкладна а 16:30 у кватэру да былога журналіста АНТ Дзмітрыя Семчанкі прыйшлі супрацоўнікі міліцыі і забралі мужчыну, гэтую інфармацыю пацвердзіла ягоная жонка Юлія.
У аграгарадку Лашаны Мінскага раёна людзі выйшлі на ланцуг салідарнасці. Прыехала міліцыя і затрымала мінімум 2 чалавек - Станіслава Бакіноўскага і Максіма Ганесту. Іх павезлі ў Заслаўскі РАУС.
У Салігорску ва ўласным пад’ездзе быў затрыманы сябра стачкама «Беларуськалія» Пётр Пячкураў. Зараз ён знаходзіцца ў Салігорскім РАУСе.
Вечарам у Мінску ў Серабранцы затрымалі:
Аляксандра Жука (РУУС Заводскага раёна),
Васіля Мірончыка,
Віктара Яўмененку (адвезлі ў бальніцу хуткай дапамогі, бо разбіты твар),
Паўла Лазара (Ленінскі РУУС),
Віталя Мілашэўскага (Ленінскі РУУС),
Паўла Каржанеўскага (адвезлі ў бальніцу хуткай дапамогі),
Дзмітрыя Грыба (Ленінскі РУУС).
Каля ЖК "Каскад" быў затрыманы Мікіта Бажкоў.
Таксама паведамлялася, што каля Чырвонага касцёла ў Мінску таксама былі затрыманыя некалькі чалавек. Сілавікі павезлі пратэстоўцаў на мікрааўтобусах.
