Каля сталічнага ГУМа вечарам 5 чэрвеня затрымалі Арцёма Троіцкага
У Мінску, 5 чэрвеня, пасля завяршэння пікету па зборы подпісаў за вылучэнне ў кандыдаты ў прэзідэнты быў затрыманы малады чалавек, які хацеў разгарнуць там плакат.
“Да хлопца, які спрабаваў седзячы каля ГУМа разгарнуць плакат адразу ж падыйшоў чалавек у цывільным і катэгарычна забараніў гэта рабіць“, – паведамляюць праваабаронцы.
Пазней сталі вядомыя акалічнасці затрымання і прозвішча юнака. Гэта Арцём Троіцкі.
Затрымалі Арцёма на станцыі метро. Калі ён набываў жэтон для паездкі, людзі ў цывільным адвялі яго ў дзяжурны пакой міліцыі, дзе звычайна даглядаюць рэчы. Адтуль ён не выйшаў.
Дапоўнена: у панядзелак, восьмага чэрвеня хлопца асудзілі на 23 базавыя велічыні штрафу (621 беларускі рубель) за удзел у несанкцыянаваным масавым мерапрыемстве (артыкул 23.34 КаАП).
Дапоўнена: пазней высветлілася, што сапраўднае імя хлопца – Ягор Ляхоўскі.
![]()
Супольны пікет каля сталічнага ГУМа: як развіваюцца падзеі?
Супольны пікет альтэрнатыўных кандыдатаў па зборы подпісаў прайшоў 5 чэрвеня каля сталічнага ГУМа.