ЗАЯВА Удзельнікаў Форуму Праваабаронцаў з нагоды частых выпадкаў зьбіцьця актывістаў праваабарончых арганізацыяў

Мы, удзельнікі Форуму праваабаронцаў, выказваем абурэньне з нагоды зьбіцьця сябраў Грамадскага аб’яднаньня Беларускага Хельсінкскага Камітэту ў г.Белаазёрску, Брэсцкай вобласьці.

Мы выказваем маральную падтрымку і салідарнасьць Натальле Акаронка, Эльвіры Ткачэнка, Яўгену Акаронку ў іх дзейнасьці па абароне правоў чалавека.

Мы зьвяртаемся да праваахоўчых органаў з патрабаваньнем правесьці поўнае і аб’ектыўнае расьледваньне па факце зьбіцьця праваабаронцаў.

Таксама выклікаюць заклапочанасьць частыя факты зьбіцьця праваабаронцаў і бязьдзейснасьць праваахоўчых органаў па папярэджаньні дадзеных выпадкаў і пакараньні вінаватых асобаў.

Мінск, 24 студзеня 2004г.