Севярынцу далі 15 сутак арышту і адпусцілі дахаты

2019 2019-12-18T17:00:40+0300 2019-12-18T17:09:50+0300 be https://spring96.org/files/images/sources/seviarynec-pavel.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кіраўніка БХД Паўла Севярынца суд Савецкага раёна асудзіў на 15 сутак за акцыю супраць паглыбленай інтэграцыі, паведаміла "Наша Ніва".

Павел Севярынец. Фота:bchd.info

«Было ўсё карэктна, толькі забралі мабільнік і не далі нікому пазваніць», — кажа Павел. Адразу пасля гэтага яго павезлі ў Савецкі райаддзел міліцыі, дзе афармлялі пратакол. Пасля чаго павезлі ў суд.

«Трапілі на абедзенны перапынак, таму давялося пачакаць. Асудзілі па артыкуле 23.34 КаАП за ўдзел у акцыях 7-8 снежня ў цэнтры Мінска. Працэс вёў суддзя Шаціла. Далі 15 сутак. Я не сказаў там ніводнага слова», — зазначае Павел.

Пасля гэтага Севярынца зноў адвезлі ў Савецкі райаддзел міліцыі, завялі ў паўпадвальнае памяшканне.

«На камеру нейкі таварыш палкоўнік заклікаў не парушаць заканадаўства 20 снежня. Пасля гэтага мяне адпусцілі.

Я кажу: «А як жа 15 сутак?» Нічога не ведаюць. Цяпер іду па вуліцы Якуба Коласа. Першы раз са мной такі цырк», — сказаў палітык.

Таксама праваабронцам стала вядома, што яшчэ адзін суд на Севярынцам прызначаны на 26 снежня. Судовы разгляд адміністрацыйнай справы па арт. 23.34 КаАП палітыка мусіць адбыцца ў 11:00 у судзе Фрунзенскага раёна г. Мінска. 

Апошнія навіны

Партнёрства

Сяброўства