Фестываль кіно і "Жывая бібліятэка" — як можна адзначыць Дзень правоў чалавека?

2019 2019-12-02T11:03:56+0300 2019-12-02T11:14:10+0300 be https://spring96.org/files/images/sources/zyvaja_bibl.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

7 снежня Цэнтр развіцця эфектыўнай камунікацыі “Жывая Бібліятэка”, Арганізацыя Аб’яднаных Нацый у Беларусі і WATCH DOCS Belarus запрашаюць на “Жывую Бібліятэку”.

Мерапрыемства адбудзецца ў межах фестывалю дакументальнага кіно пра правы чалавека WATCH DOCS Belarus і будзе прысвечана Дню правоў чалавека — 10 снежня. Гэты дзень афіцыйна абвешчаны Генеральнай Асамблеяй ААН у снежні 1950 года. Больш можна прачытаць тут.

Калі: 7 снежня (субота), 13:00 - 18:00

Дзе: ОК16 (вуліца Кастрычніцкая 16к25), Мінск

Адразу пасля “Жывой Бібліятэкі” 7 снежня ў ОК16 пройдуць:

- 18:30 паказ фільма “Сустрэча выпускнікоў” (Швецыя, 2015, рэж. Анна Адэл) і дыскусія пра праблемы булінгу ў школе;

- 21:30 паказ фільма «Атам» (Марк Казінс, Вялікабрытанія, 2015).

З праграмай фестывалю можна пазнаёміцца на сайце

Уваход вольны, можна зарэгістравацца па спасылцы (да 4.12).  Зарэгістраваныя Чытачы і Чытачкі атрымаюць на e-mail Каталог з апісаннем Кніг за дзень да мерапрыемства.

Што такое Жывая бібліятэка?

“Жывая Бібліятэка” накіравана на барацьбу са стэрэатыпамі і дыскрымінацыяй. "Жывымі кнігамі" тут выступаюць людзі, якія маюць пэўную ідэнтычнасць, незвычайны досвед ці лад жыцця, спецыфічную прафесію і з гэтымі людзьмі звязаны стэрэатыпы ў беларускім грамадстве.

Жывая Бібліятэка дае магчымасць шчыра паразмаўляць у невялікай групе з тымі, каго не сустрэнеш кожны дзень, і стаць больш адкрытымі да разнастайнасці грамадства.

Больш інфармацыі пра фармат “Жывой Бібліятэкі” вы можаце знайсці на сайце. Па ўсіх пытаннях можна звяртацца  у ВК, FB, Instagram, Telegram або пісаць на скрыню human.library.belarus@gmail.com

Апошнія навіны

Партнёрства

Сяброўства