Праваабарончая праграма "Вясна" на Беларускім Радыё Рацыя
Кожны аўторак у 21:05 (паўтор у суботу ў 8:05) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Час выбараў: Старшыня ЦВК Лідзія Ярмошына на апошніх прэс-канферэнцыях выказалася пра каштоўнасць датэрміновага галасавання, а таксама ўнесла карэктывы ў дазвол фатаграфаваць на выбарчых участках. Яе аргументацыю крытычна асэнсоўвае Уладзімір Лабковіч, каардынатар кампаніі “Праваабаронцы за свабодныя выбары”.
Апытанка: Валанцёры праваабарончага цэнтра “Вясна” адказваюць, як вырашылі імі стаць і ў чым палягае іх дзейнасць.
Каментар: Скончыўся разгляд справы па скарзе рэдакцыі газеты “Вечерний Могилев”. Гісторыя пачынаецца з публікацыі газетай некалькіх артыкулаў на тэму ЛГБТ і выліваецца ў шэраг судовых паседжанняў. Разглядаем, як ўсё разгортвалася, і размаўляем пра феномен “Вечернего Могилева” з Алесем Бураковым, праваабаронцам магілёўскай Вясны.
У музычных паўзах — кампазіцыі ў выкананні гурта Gods Tower.
