Праваабарончая праграма "Вясна" на Беларускім Радыё Рацыя
Кожны аўторак у 21:05 (паўтор у суботу ў 8:05) уэфіры незалежнай радыёстанцыі “Беларускае Радыё Рацыя”- праграма"Вясна", якая асвятляе падзеі, датычныя правоў чалавекаўБеларусі.
Анонс выпуска:
“Каментар”: Як абараняць свае правы ва ўмовах ціску? З якімі праблемамі зараз сутыкаюцца працоўныя? Ці магчыма сення знайсці годную працу? На пытанні адказваюць Юрысты прафсаюза РЭП Зінаіда Міхнюк з Брэста і Леанід Судаленка з Гомелю.
“Падзея”: У нацыянальным аэрапорце Мінск быў 8 траўня затрыманы блогер і апазіцыянер з Інгушэціі Ісмаіл Нальгіеў, а праз два дні высланы ў Расію. Яго чакаюць катаванні і пераслед на радзіме, але гэта не першы раз, калі Беларусь выдае блогераў і апазіцыянераў саюзнай дзяржаве, не турбуючыся пра іх лёс. Чаму гэта незаконна і як павінна была ажыццяўляцца працэдура затрымання і высылкі, распавядае праваабаронца Наста Лойка.
“Каментар эксперта”: Праваабаронцы склалі супольную заяву, у якой ад уладаў Беларусі патрабуецца забяспечыць рэалізацыю права на мірныя сходы. Гэта рэакцыя на апошнія змены у Законе аб масавых мерапрыемствах. Цяпер арганізатары павінны плаціць вялікія грошы за паслугі міліцыі, хуткай і за прыбіранне тэрыторыі, каб правесці мірныя сходы. Але цэннік дасягае часам некалькіх тысяч рублёў. З-за гэтага упершыню за трыццаць год не быў праведзены Чарнобыльскі шлях, а арганізатары Дня волі асуджаны за неаплату паслуг міліцыі. Сітуацыю каментуе праваабаронца Валянцін Стэфановіч.
У музычных паўзах – кампазіцыі ў выкананні гурта Akurat.
