Пасля трох сутак Гарачкі на Акрэсціна яе справу вярнулі на дапрацоўку Дапоўнена
Наталля Басалыга ў судзе над "Новым часам"
Суд Цэнтральнага раёна г. Мінска працягвае судзіць актывістаў за Дзень Волі. 27 сакавіка суддзя Вікторыя Шабуня разглядзела адміністрацыйную справу актывісткі Наталлі Гарачка-Басалыгі паводле артыкула 17.1 КаАП (дробнае хуліганства). У выніку суд вярнуў справу Гарачкі на дапрацоўку ў РУУС Цэнтральнага раёна г. Мінска. "Вызваліць у зале суда", — паведамляе палітык Вячаслаў Сіўчык.
Палітык Вячаслаў Сіўчык цытуе судовы працэс у сябе на старонцы ў фэйсбуку: "Наўмысна, з хуліганскіх намераў абражальна прыставала да грамадзянаў, назойліва навязвала ім сваю прысутнась і размову. Гучна крычала, паводзіла сябе нахабна і выклікаючы".
Таксама Вячаслаў Сіўчык, пагутарыўшы з Наталляй, піша:
"Гарачка знаходзілася адна ў камеры, дзе была халодна. Ёй была кепска, міліцыянты адмовіліся выклікаць хуткую. Далі нейкія таблеткі. Учора Гарачку вывелі ў камеру, дзе былі ўсе, каго трэба везці на суд. Там была 18-гадовая Аляксандра Самасюк, якую мусілі весці ў суд Маскоўскага р-на, за тое, што яна ў суботу нагой штурхнула знакамітую скульптуру гарадавога. У гэтай камеры Гарачка была з раніцы да абеду. Усіх павезлі ў суд, а Гарачку вярнулі ў адзіночку".
Актывістку затрымалі 24 сакавіка на дазволеным уладамі канцэрце-мітынгу, які быў прыўрочаны Дню Волі. Гэта адбылося на ўваходзе ў Кіеўскі сквер. Трое сутак Наталля Гарчака-Басалыга правяла ў ізалятары часовага ўтрымання на вул. Акрэсціна ў г. Мінску.
Учора суд Цэнтральнага раёна г. Мінска пакараў штрафам у памеры 45 базавых велічыняў Зміцера Дашкевіча за прамову, якую ён сказаў са сцэны на канцэрце 24 сакавіка.
У ІЧУ застаецца знаходзіцца затрыманая 25 сакавіка на Кастрычніцкай плошчы актывістка Алена Таўстая. Калі адбудзецца суд — невядома.
