Дашкевіча аштрафавалі за выступ на Дзень Волі на 45 базавых Дапоўнена
Зміцер Дашкевіч. Фота з твітэра Антона Матолька
|
Картка працэссу: Суд: Цэнтральнага раёна г. Мінска Суддзя: Іван Касцян Асоба, у дачыненні да якой вядзецца працэс: Зміцер Дашкевіч Артыкул: ч. 2 арт. 23.34 КаАП (парушэнне парадку арганізацыі або правядзення масавых мерапрыемстваў) Рашэнне: штраф 45 базавых велічыняў (1147,5 бел. руб.) |
Актывіста Змітра Дашкевіча прывезлі ў суд Цэнтральнага раёна. Пра гэта ў Фэйсбуку паведаміў фатограф Антон Матолька, піша euroradio.fm. Суд пачаўся ў 14.30. Суддзя — Іван Касцян. Судовы працэс праходзіць на беларускай мове па хадайніцтву Дашкевіча, які заявіў, што не разумее рускай мовы.
Яго абвінавачваюць у парушэнні ч.2 арт. 23.34 КаАП Рэспублікі Беларусь (парушэнне парадку арганізацыі або правядзення масавых мерапрыемстваў). На судзе высветлілася, што яго судзяць за заклік прыйсці ў Курапаты на канцэрце 24 сакавіка: “Заклікаў грамадзян пайсці ў Курапаты, за што і быў затрыманы”.
Суддзя Іван Касцян аштрафаваў Дзмітрыя Дашкевіча на 45 базавых велічыняў (1147,5 рублёў).
Нагадаем, Змітра Дашкевіча затрымалі на дазволеным мітынгу-канцэрце ў гонар Дня Волі 24 сакавіка ў Кіеўскім скверы сталіцы. Дашкевіч выступіў з рэзкай прамовай, пасля якой яго затрымалі людзі ў цывільным на вачах у дзяцей і цяжарнай жонкі.
Амаль двое сутак Дашкевіч прабыў у Цэнтры ізаляцыі правапарушальнікаў на вул. Акрэсціна.
