Дзень абароны персанальных дадзеных ад Human Constanta
Ужо ў трэці раз Human Constanta правядзе папулярную канферэнцыю ў Мінску, прымеркаваную да Міжнароднага дня абароны персанальных дадзеных. Мерапрыемства пройдзе ў суботу, 26 студзеня, у Imaguru (вул. Фабрыцыуса, 4).
Што гэта?
Штогадовая аднадзённая канферэнцыя пра ўсё, што тычыцца прыватнасці і персанальных дадзеных. Як і ў мінулым годзе, арганізатары падзялілі праграму на папулярную частку і бізнэс-секцыю. Будзе шмат размоў пра правы чалавека, інфармацыйныя пагрозы і бізнэс, але яшчэ больш практычных ведаў, якія можна прымяніць у жыцці і працы. Больш за 15 беларускіх і замежных спікераў, лекцыі, дыскусіі і майстар-класы.
Для каго?
Для юрыстаў - будзе секцыя пра GDPR і беларускі закон аб персанальных дадзеных.
Для карыстальнікаў - вы даведаецеся, як можна абараніць свае дадзеныя і нават паспрабуеце гэта зрабіць на месцы.
Для бізнэсу - юрысты раскажуць, што трэба вашаму бізнэсу, каб нічога не парушаць, працуючы з дадзенымі карыстальнікаў на беларускім і глабальным рынках.
Для журналістаў - магчымасць разабрацца, пра што ўвесь гэты шум, і спытаць пра гэта ў прафесіяналаў.
Для параноікаў - яшчэ раз пераканацца, што вялікі брат назірае за намі.
А больш падрабязна?
Прэзентацыі, майстар-класы і дыскусіі ў двух паралельных секцыях: першая арыентавана на бізнэс, другая - для карыстальнікаў.
У бізнэс-секцыі ўдзельнікі пагавораць аб рэальных кейсах і рэгуляванні: як да іх рыхтавацца і што рабіць стартапам і устояным бізнэсам, каб нічога не парушыць. Першая практыка прымянення GDPR, вопыт беларускіх і замежных спецыялістаў, інвестыцыйныя кейсы ў Беларусі, магчымасці павысіць кваліфікацыю і сертыфікавацца, а таксама многае іншае.
У папулярнай секцыі гаворка пойдзе пра сучаснае разуменне прыватнасці, лічбавай бяспекі, бяспекі дзяцей у інтэрнэце і пра спрэчны спосаб абыходжання з дадзенымі - сацыяльнай інжынерыі.
Увесь дзень для вас будзе працаваць крыпта-бар, дзе можна пракансультавацца са спецыялістамі па інфармацыйнай бяспекі і наладзіць вашыя девайсы на бяспечнае выкарыстанне.
Спецыяльны госць імпрэзы - Артур Хачуян, заснавальнік Tazeros Global (Ex Social Data Hub). Што адбываецца з прыватнасцю ў эпоху вялікіх дадзеных, як дзяржава і карпарацыі выкарыстоўваюць дадзеныя пра нас, дзе цяпер знаходзяцца этычныя межы майнінга дадзеных і за што яго заблакаваў Facebook - пра гэта і пра многае іншае можна будзе пагаварыць з экспертам у Мінску.
Падрабязны расклад, інфармацыю аб спікерах і тэмах глядзіце на адмысловым сайце.
Дзе і калі?
Дата - 26 студзеня, пачатак рэгістрацыі ў 9.30.
Месца - Стартап-хаб Imaguru: г. Мінск, ул.Фабрициуса, 4.
Як трапіць?
Удзел у мерапрыемстве бясплатны. Рэгістрацыя па спасылцы да 23 студзеня.
