Берасце: Амап затрымаў праціўнікаў будаўніцтва акумулятарнага завода

2018 2018-10-08T07:52:35+0300 2018-10-08T13:59:41+0300 be https://spring96.org/files/images/sources/berasce-2018-10-07-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Затрыманне праціўнікаў будаўніцтва завода АКБ. Фота Рамана Кісляка

Затрыманне праціўнікаў будаўніцтва завода АКБ. Фота Рамана Кісляка

На плошчы Леніна ў Брэсце, дзе па выходных збіраюцца праціўнікі будаўніцтва акумулятарнага завода, 7 кастрычніка  супрацоўнікі міліцыі затрымалі пяць чалавек.

Па інфармацыі “Берасцейскай Вясны”, спачатку затрымалі Зміцера Андрасюка, Андрэя Астапчука і Уладзіміра Мароза.

Пазней, а 12-40, міліцыянты падышлі да Таццяны Фесікавай, лекара-неўролага, звольненую за выступ на мітынгу супраць будовы завода, і Юліі Зубік. Яны сядзелі на лаўцы побач з фантанам. Падставай для затрымання былі налепкі супраць завода на вопратцы.

Затрыманне праціўнікаў будаўніцтва завода АКБ. Фота Рамана Кісляка

Дзяўчат пацягнулі ў двор, дзе стаяў шэры міліцэйскі бус, там ўжо знаходзілісь хлопцы, увапхнулі ўнутр. Неабыякавыя берасцейцы сталі перад "батонам" і не давалі з'ехаць бусу са двара. Адзін непаўнагадовых хлопец лёг перад машынай на асфальт...

Выкліканы АМАП гвалтам параскідваў людзей ў ланцугу, хлопца з асфальту літаральна шпурнулі ў натоўп.

Затрыманых даставілі ў Ленінскі РАЎС. Неабыякавыя берасцейцы рушылі за затрыманымі.

Неўзабаве вызвалілі Андраюка. “Нас запалохвалі, каб не хадзілі на плошчу, склалі пратакол апытання...” - расказваў ён.

Затрыманне праціўнікаў будаўніцтва завода АКБ. Фота Рамана Кісляка

Яшчэ праз нейкі час вызвалілі Мароза, таксама склалі пратакол-апытання, затым Фесікаву і Зубік.

На дзяўчат склалі пратаколы па арт. 23.34-1 КаАП праз налепкі на вопратцы.

Заўтра, 8 кастрычніка, суды. Для дзяўчат прызначаны суд на 15-00.

Андрэя Астапчука пакінулі да суда ў ізалятары часовага  ўтрымання

Неабыякавыя перадалі перадачы затрыманым

Апошнія навіны

Партнёрства

Сяброўства