Увечары 18 сьнежня два актывісты руху “Зубр” былі затрыманыя міліцыяй.

Прэс-служба моладзевага руху ЗУБР паведаміла, што затрыманне адбылося ў 19.45, калі маладыя людзі расклейвалі ўлёткі з лагатыпам руху на праспекце Скарыны ў Менску. Зубры былі затрыманыя ў падземным пераходзе станцыі метро "Плошча Перамогі" Супрацоўнікі міліцыі адвялі іх у апорны пункт, які знаходзіцца на станцыі, дзе пратрымалі больш за гадзіну. На аднаго з зуброў, Паўля Юхневіча быў складзены пратакол па артыкуле 143-3 КаАП. Справа будзе накіраваная ў камісію па адміністратыўных правапарушэннях.