Затрыманыя пад “Гранд Кушавелем” актывісты - на Акрэсціна Фота Дапоўнена

Каля сталічнага рэстарана “Гранд Кушавель” супрацоўнікі міліцыі 19 ліпеня прыблізна ў 14 гадзін затрымалі актывістаў абароны Курапат Леаніда Кулакова, Вольгу Нікалайчык і Маю Наумаву.

Яны раздавалі мінакам улёткі і тлумачылі сітуацыю з рэстаранам “Поедем поедім”, які пабудаваны ў ахоўнай мемарыяльнай зоне Курапат. Акцыя доўжылася некалькі хвілінаў.

Адразу да іх падыйшоў супрацоўнік міліцыі, які абвясціў, што дзеянні актывістаў незаконныя і выклікаў нарад АМАПу.

Леанід Кулакоў паспеў паведаміць па тэлефоне , што іх вязуць у Цэнтральны РУУС Мінска.

Пазней стала вядома, што Вольга Мікалайчык, Леанід Кулакоў і Мая Навумава знаходзяцца ў ізалятары часовага ўтрымання на Акрэсьціна. Пра гэта Свабодзе паведаміў Павал Севярынец.
Нагадаем, што актыўны абаронца Курапатаў Павел Севярынец заклікаў 19 ліпеня а 14.00 далучацца да пікетавання яшчэ аднаго з рэстаранаў уладальнікаў «Поедем, поедим» у Мінску, «Гранд Кушавель». Абаронцы плануюць раздаваць улёткі, тлумачыць наведвальнікам, чым бізнесоўцы Зайдэс і Сурыс займаюцца ў Курапатах, і рэкамендаваць не наведваць рэстаран. Паралельна з 12.00 будзе працягвацца варта ў Курапатах.