Палітвязьня Зьмітра Паліенку перавялі са шпіталя ў калёнію

2018 2018-04-24T08:01:51+0300 2018-04-24T08:01:50+0300 be https://spring96.org/files/images/sources/palienka123.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Дзмітрый Паліенка. Фота "Радыё Свабода"

Дзмітрый Паліенка. Фота "Радыё Свабода"

Зьмітра Паліенку з Жодзінскага шпіталя перавялі ў Бабруйскую калёнію, дзе ён адбывае двухгадовы тэрмін за напад па міліцыянта. У Жодзінскім шпіталі палітвязень лячыў нагу. Пра гэта Радыё Свабода  паведаміла актывістка Марына Касінерава, якая лістуецца са Зьмітром Паліенкам.

Як цяпер пачуваецца Зьміцер Паліенка?

«Напісаў коратка, што справы з нагой цяпер „значна лепшыя“. Усяго ў шпіталі ён прабыў каля двух тыдняў, 18 красавіка ўжо вярнулі ў Бабруйскую калёнію, але пакуль у карантын, днямі будзе зноў у атрадзе», — кажа Марына Касінерава.

У сакавіку стала вядома, што каля 7 месяцаў Зьміцер Паліенка цярпеў ад раны на назе, залячыць якую з дапамогай лекара ў калёніі ўсё ніяк не ўдавалася. Бацька палітвязьня Аляксандар Паліенка не выключаў, што сын мог пашкодзіць нагу на вытворчасьці або ў нейкай сутычцы. Сам палітвязень пра паходжаньне раны нічога на волю не паведамляў.

У кастрычніку 2016 году актывіста дэмакратычнага руху Зьмітра Паліенку асудзілі на 2 гады зьняволеньня з адтэрміноўкай паводле абвінавачаньня ў гвалце супроць міліцыянта падчас роварнага прабегу «Крытычная маса», які прайшоў у Менску ўвесну 2016 году. Празь некалькі месяцаў за ўдзел у акцыях салідарнасьці ўмоўнае пакараньне Зьмітру Паліенку замянілі на рэальнае і накіравалі ў калёнію ў Бабруйску.

У 2017 годзе Міжнародная праваабарончая арганізацыя Amnesty Internationalпрызнала Зьмітра Паліенку вязьнем сумленьня і заклікала беларускія ўлады «неадкладна і без умоваў вызваліць» хлопца, які «быў зьняволены выключна за мірнае ажыцьцяўленьне сваіх правоў на свабоду слова і мірных сходаў».

Апошнія навіны

Партнёрства

Сяброўства