Блогер Павел Спірын быў выкліканы ў РУУС у якасці заяўніка

2018 2018-03-06T13:57:52+0300 2018-03-06T14:02:44+0300 be https://spring96.org/files/images/sources/spiryn_video_blogger.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Павел Спірын. Фота "Наша Ніва"

Павел Спірын. Фота "Наша Ніва"

5 сакавіка аўтар нашумелага відэароліка «Айчым», блогер Павел Спірын з'явіўся ў РУУС Ленінскага раёна г. Мінска для дачы тлумачэнняў. Як аказалася, яго выклікалі туды ў якасці заяўніка, бо раней ён сам адаслаў у розныя дзяржаўныя органы і структуры свой відэаролік.

Пра гэта распавёў сам блогер у каментары тэлеканалу Белсат:

«Я размаўляў з пяццю супрацоўнікамі органаў унутраных спраў, аж да падпалкоўніка. Большасці афіцэраў фільм спадабаўся. Мяне ніхто не абражаў, ня прыніжаў мой гонар і годнасць, наадварот размаўлялі ветліва, карэктна і паважліва».

Павел Спірын не выключае, што са статусу заяўніка ў будучыні ён можа быць пераведзены ў статус падазраванага, а далей - абвінавачанага.

«У мяне пыталіся, зрабіў я гэты фільм у Беларусі ці за мяжой. Я ім патлумачыў па-простаму, што фільм зрабіў дома, на камп'ютары, сам абсалютна, ніхто мне не дапамагаў: рабіў сам агучку, сам падбіраў музыку, падбіраў кадры.

Пра гэтага блогера [Сцяпана Святлова] мяне не пыталіся, але ён рабіў рэпост майго фільма, таму толькі ў такім кантэксце я з ім звязаны», - адзначыў Павел Спірын.

Ён падкрэслівае, што яго фільм «Айчым» не мог нікога абразіць, бо у ім коратка апісваецца сітуацыя пра тое, што адбылося з Беларуссю з 1994 года.

«Паказваецца сітуацыя палітычная, эканамічная, сацыяльная. Я паспрабаваў растлумачыць працэсы, якія праходзілі ў грамадстве з пункту гледжання простага чалавека, як гэта бачым мы ўсе. І мяркуючы па праглядам і рэакцыі большасць у грамадстве згодныя з маёй ацэнкай сітуацыі ў краіне», - падкрэсліў Павел Спірын.

Блогер кажа, што супрацоўнікі міліцыі пыталіся ў яго, навошта ён усё гэта робіць, на што ён адказаў, што хоча паказаць Лукашэнку такім, якім ён з'яўляецца:

«Ён брыдкі для большасці жыхароў Рэспублікі Беларусь. Кажу, як ёсць, не хаваў гэта ў міліцыі і не буду зараз крывіць душой ці неяк спрабаваць сысці ад адказнасці. Я за свой фільм адказваю».

Павел Спірын падзяліўся, што ў дадзены момант рыхтуе новы фільм, прысвечаны міністру ўнутраных спраў Ігару Шуневічу.

У выпадку ўзбуджэння крымінальнай справы і прыцягнення Паўла Спірына да адказнасці па арт. 368 Крымінальнага кодэкса ( «Абраза Прэзідэнта Рэспублікі Беларусь») яму пагражае да двух гадоў пазбаўлення волі.

Апошнія навіны

Партнёрства

Сяброўства