Памежнікі знялі з цягніка Вадзіма Жаромскага і Марыю Рабкову Дапоўнена
Вадзім Жаромскі і Марыя Рабкова
У фігуранта некалі гучнай “Справы графіцістаў” Вадзіма Жаромскага і Марыі Рабковай, якія накіроўваліся цягніком у Вільнюс, памежнікі забралі пашпарты. Прычынаў не тлумачаць. Як напісаў у facebook Andrej Strizhak, супрацоўнікі памежнай службы каравуляць іх у цягніку. Магчыма, што ў Гудагаі будзе прынятае ў дачыненні да іх нейкае рашэнне.
"Наша ніва" паведамляе, што "Жаромскага і яго сяброўку Марфу Рабкову не выпусцілі з Беларусі. Памежнікі падчас пашпартнага кантролю на выездзе з краіны забралі ў іх пашпарты без тлумачэння прычын.
Пасля асабістага дагляду актывістаў адпусцілі. Памежнікі паабяцалі пасадзіць Жаромскага і Рабкову на наступны цягнік да літоўскай сталіцы.
"Вадзім Жаромскі раней праходзіў па справе "графіцістаў", а ў дачыненні да Марыі Рабковай была раней ініцыяваная справа па факце заліцця дзвярэй беларускага тэлебачання фарбай (пасля абвінавачванні былі знятыя)" - піша Андрэй Стрыжак.
