МЗС Вялікабрытаніі: Сіла і запалохванні супраць удзельнікаў мірных сходаў не могуць быць апраўданы

Заява МЗС Вялікабрытаніі з нагоды дэманстрацый у Беларусі

Мы пілна сачылі за падзеямі ў Беларусі напярэдадні і падчас дэманстрацый на Дзень Волі. Нас хвалююць дзеянні праваахоўных органаў у Мінску. Падаецца, што вялікую колькасць грамадзянаў, актывістаў і журналістаў затрымалі адвольна і пагалоўна.

Выкарыстанне сілы і запалохванняў супраць тых, хто карыстаецца сваім правам на мірны сход, не можа быць апраўдана. Мы заклікаем улады Беларусі паважаць і падтрымліваць права на свабоду сходаў, асацыяцый і выказвання. Мы таксама заклікаем улады Беларусі вызваліць тых мірных пратэстоўцаў, што яшчэ знаходзяцца ў зняволенні.

26 сакавіка 2017 г.