Уладзімір Някляеў распавёў падрабязнасці свайго затрымання
Уладзімір Някляеў у шпіталі ў асяроддзі гасцей
Берасцейскаму праваабаронцу Уладзіміру Вялічкіну ўдалося трапіць у шпіталь да палітыка Уладзіміра Някляева, які быў затрыманы ноччу напярэдадні Дня Волі.
Уладзімір Някляеў распавёў пра сваё затрыманне ў Брэсце. Каля трох гадзін ночы супрацоўнікі КДБ і АМАПу знялі яго з цягніка, калі той вяртаўся з Варшавы ў Мінск. Пратакол і ніякія іншыя паперы не складалі, аднак правялі пільны асабісты дагляд. Уладзіміра Някляева прымусілі поўнасцю распрануцца і прысядаць, каб упэўніцца, што ў яго няма забароненых рэчаў. Неўзабаве палітыку стала дрэнна, у яго падняўся ціск, і яму выклікалі хуткую. Затым яго адвезлі ў шпіталь.
Па словах Уладзіміра Вялічкіна, Някляеў усё яшчэ адчувае сябе не вельмі добра, аднак плануе ў хуткім часе ехаць дадому ў Мінск і лекавацца далей.
