ART як адказ на сучасныя выклікі: семінар 2-3 ліпеня

Маладзёжная Праваабарончая Група - Беларусь 2-3 ліпеня правядзе выязную сустрэчу, на якой з дапамогай экспертаў можна будзе стварыць плакаты, відэаролікі, мультфільмы на тэму салідарнасьці і правоў чалавека.

Сустрэча будзе складацца з двух блокаў:

• тэарэтычнай часткі, дзе акрамя тэорый правоў чалавека і салідарнасці таксама будуць разгледжаны крэатыўныя тэхналогіі, з дапамогай якіх можна вырашаць грамадскія праблемы;
• практычнай часткі, пад час якой будзе адбывацца самастойнае стварэнне творчых прадуктаў.

Вынікі сустрэчы будуць прэзентаваныя на выставах у верасні ў Мінску, Гомелі і Магілёве.

Усім жадаючым удзельнічаць прапануем:

• запоўніць анкету (да 1 ліпеня ўключна),
• прайсці конкурсны адбор,
• быць гатовымі да выезду з Мінска ў суботу 2 ліпеня ў 10:00 і вярнуцца ў нядзелю а 19:00.

Запрашаем усіх, каму неабыякава тое, што адбываецца вакол і ў каго ёсць творчыя ідэі і жаданне мець дачыненне да праваабарончай дзейнасці.