"СалідАРТнасць": правы чалавека і творчасць
Што такое салідарнасць і як з ёй звязаныя правы чалавека і творчасць?
Моладзевая Праваабарончая Група - Беларусь запрашае пагаварыць пра гэта на семінарах у Мінску (17 чэрвеня) і Магілёве (18 чэрвеня).
Падтрымка і абарона - гэта тое, што можа ўмацаваць любоую супольнасць, выратаваць у складаных сітуацыях і нават змяніць свет. Прыгадайце, як Індыя атрымала незалежнасць ад Англіі. Або чаму калісьці не высушылі беларускія балоты?
Калі вы:
- Хочаце зразумець, як і з кім праяўляць салідарнасць;
- Думаеце, што мастацтва - добры інструмент для выказвання сваёй грамадзянскай пазіцыі;
то запрашаем Вас на сустрэчу "СалідАРТнасць"!
Калі і дзе:
17.06.2016 (пятніца) - Мінск з 18:30.
18.06.2016 (субота) - Магілёў з 15:00.
Для ўдзелу неабходна запоўніць анкету па спасылцы (да 16 чэрвеня, уключна). Пасля рэгістрацыі мы звяжамся з Вамі і паведамім пра месца правядзення мерапрыемства.
БОНУС: Пасля наведвання семінара для самых крэатыўных удзельнікаў пройдзе вялікі выязны семінар пад Мінскам. На свежым паветры ў атмасферы свабоды мы на практыцы паспрабуем стварыць артэфакты правоў чалавека і салідарнасці. Абяцаем, што будзе весела і цікава.
Мы чакаем менавіта Вас!
