"Маю права": З чаго пачынаўся праваабарончы цэнтр «Вясна»? (відэа)

Праваабарончы цэнтр “Вясна” адзначае свае 20 угодкі. Яго старшыня, праваабаронца Алесь Бяляцкі ў праграме Белсат-TV "Маю права" узгадвае падзеі, што мелі дачыненне да стварэння арганізацыі.

Ён распавядае пра тое, як адбывалася традыцыйнае шэсце “Чарнобыльскі шлях” у 1996 годы, і адзначае:

“Падчас праходу дэманстрацыі увесь час ішлі сутычкі з міліцыяй. Міліцыя нападала на людзей, багата людзей былі збітыя. Таму і была створана група хуткага рэагавання, фактычна валанцёраў, якая занялася зборам звестак пра гэтых людзей і хуткай дапамогай іх сем’ям і ім самім”.

Год тых падзеяў быў акрэслены ў назве арганізацыі – “Вясна-96”.