Андрэй Князькоў дамагаецца пераразліку пенсійных выплатаў у судзе
Фота з сайта www.rup2.by
Былы асуджаны Андрэй Князькоў распавёў ПЦ "Вясна", што пасля атрымання вытворчай траўмы ў калоніі, ён звярнуўся па афармленне працоўнай пенсіі па інваліднасці. Цяпер ён у судовым парадку дамагаецца пераразліку пенсійных выплат за год, які сышоў на збор папер і адстойвання свайго права на такую пенсію.
У красавіку 2014 года Андрэй Князькоў звярнуўся да адміністрацыі калоніі, каб яму пачалі выплачваць пенсію. Цэлы год адміністрацыя бабруйскай калоніі пераконвала асуджанага, што працоўная пенсія па інваліднасці яму не належыць.
"Мне адмаўлялі ў пенсіі нібыта з-за адсутнасці працоўнага стажу, не хапала 7 гадоў. У выніку праз год перапісвання з дзяржорганамі ў мяне апынулася досыць стажу для афармлення пенсіі", - распавядае былы асуджаны.
У верасні 2014 году Андрэй Князькоў дамогся, каб яму аформілі сацыяльную пенсію за атрыманую вытворчую траўму, хоць у месцах пазбаўлення волі такая пенсія не выплачваецца: грашовыя сродкі цалкам ідуць у прыбытак дзяржава на ўтрыманне зняволенага.
"Яшчэ праз паўгода пасля афармлення сацыяльнай пенсіі я змог даказаць адміністрацыі калоніі, што маю права на працоўную пенсію. У сакавіку 2015 гады стаў такую пенсію атрымліваць. Таксама мне параілі звярнуцца па пераразлікам пенсійных выплат, бо да гэтага была аформлена сацыяльная пенсія. Мне пералічылі пенсію, але толькі за апошнія паўгода", - кажа былы асуджаны.
Літаральна перад самым вызваленнем Андрэй Князькоў звярнуўся ў Магілёўскі аблвыканкам з хадайніцтвам аб правядзенне праверкі па дадзеным факце. Такая праверка была праведзена і было ўстаноўлена, што матэрыяльная шкода была нанесена асуджанаму па віне адміністрацыі папраўчай калоніі №2 г. Бабруйска.
"Мне было прапанавана вырашыць пытанне аб пераразліку ў добраахвотным парадку або ў судовым. Я звярнуўся да начальніка калоніі, але ён сказаў, што ніякіх парушэнняў з боку калоніі не выяўлена. Атрымліваецца, што выканкам правёў праверку разам з прадстаўнікамі ДВП і ўстанавіў віну калоніі. А начальнік калоніі правёў сваю праверку і ўстанавіў, што ніхто не вінаваты", - наракае Андрэй Князькоў.
Пасля гэтага былы асуджаны звярнуўся ў суд, каб той абавязаў зрабіць пераразлік за перыяд з красавіка 2014 года да сакавіка 2015 года і Андрэю Князькову была вернута розніца.
На першым пасяджэнні суда было два прадстаўнікі: ад спецаддзела з калоніі і ад выканкама. Прадстаўнік калоніі па-ранейшаму не прызнаваў віны за калоніяй. На наступнае пасяджэнне, якое адбудзецца 4 траўня, акрамя гэтых двух прадстаўнікоў выклічуць яшчэ прадстаўнікоў пенсійнага фонду, Белдзяржстраха і Дэпартамента выканання пакаранняў.
"Я хачу, каб мне кампенсавалі розніцу амаль за год, ці хаця б за паўгода. Сума пазовы на дадзены момант каля 3 мільёнаў. Суддзя перажывае, што калі я апынуся правым, то калоніі яшчэ прыйдзецца кампенсаваць аплату ўсіх праездаў туды і назад. Турбуецца за дзяржорганы, а не за чалавека", - падсумоўвае Андрэй Князькоў.
