"Белсат" паразмаўляў з адным са збітых АМАПам раварыстаў (відэа)
Удзельнік роварнага заезду «Крытычная маса» будзе здымаць пабоі і спадзяецца, што праваабаронцы дапамогуць яму пакараць #маюміліцыю.
«Калі нас загналі ў аўтобус заўважыў, што ў мяне вываліўся кавалак зуба. За кожнае слова яны білі па галаве. Добра, што я быў у касцы», – распавядае Аляксей карэспандэнту «Белсату».
Акрамя таго, стала вядома, што на Дзмітрыя Паліенку і Станіслава Канавалава ўзбудзілі крымінальную справу па арт. 364 Крымінальнага кодэксу - "Насілле або пагроза ўжывання гвалту ў дачыненні да супрацоўніка органаў унутраных спраў". Яму пагражае да шасці гадоў зняволення.
Нагадаем, што вечарам 29 красавіка было затрымана не менш за шэсць раварыстаў – удзельнікаў роварнага заезду «Крытычная маса». Пазней, пасля падпісання пратаколаў чатырох з шасці адпусцілі, а ў дачыненні да Станіслава Канавалава і Дзімтрыя Паліенкі узбудзілі справы. Афіцыйнай інфармацыі ад праваахоўных органаў дагэтуль няма.
