viasna on patreon

Вучым ствараць пасьпяховыя грамадзкія арганізацыі

2016 2016-04-06T09:22:36+0300 2016-04-06T09:48:32+0300 be https://spring96.org/files/images/sources/majstar-klas.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Асамблея НДА запрашам грамадзка актыўных людзей з усёй Беларусі, лідэраў, якія імкнуцца да стварэньня каманды альбо грамадзкай ініцыятывы, да ўдзелу ў майстар-клясе “Як стварыць пасьпяховую грамадзкую арганізацыю”.

У часе мерапрыемства ўдзельнікі даведаюцца, як выглядае грамадзкі сэктар у Беларусі, што такое няўрадавая арганізацыя (НДА), якая роля НДА у разьвіцьці мясцовай супольнасьці, а таксама пра фінансаваньне НДА і здабыцьцё сродкаў на дзейнасьць.

Дасьведчаныя трэнэры засяродзяцца на відах НДА, прыкладах пасьпяховых арганізацыяў, распавядуць пра кааліцыі і супрацу НДА, а таксама пра два спосабы пабудовы пасьпяховай арганізацыі, фармаваньне каманды, працу ў камандзе, плянаваньне бачаньня і дзейнасьці, пастаноўку мэтаў і мэтавыя групы.

Аплікуйце на майстар-клясу і вы даведаецеся аб магчымасьцях рэгістрацыі няўрадавай арганізацыі ў Беларусі і за мяжой, артыкуле КК 193.1-1, а таксама куды зьвярнуцца па кансультацыю адносна НДА.

Мерапрыемства адбудзецца ў чацьвер 28 красавіка 2016 году (з 11.00 да 19.00) у Менску.

Каб прыняць удзел, неабходна запоўніць анлайн анкету-заяўку.

Колькасьць месцаў абмежаваная. Перавага будзе адданая грамадзкім актывістам з рэгіёнаў. Адабраным удзельнікам паведамяць пра месца правядзеньня праз электронную пошту.

Апошні тэрмін падачы заявак: 17 красавіка 2016 г. да 24.00.

Дадатковыя пытаньні задавайце праз эл. адрас: ngo@belngo.info

Апошнія навіны

Партнёрства

Сяброўства