Суд самаўхіліўся ад прадастаўлення інфармацыі пра ўмовы ўтрымання
Праваабаронца Вікторыя Фёдарава.
У рамках маніторынгу ўмоў утрымання і абыходжання з адміністрацыйна затрыманымі і арыштаванымі ў ізалятарах часовага ўтрымання праваабаронца Вікторыя Фёдарава абскарджвае ў судовым парадку адказы раённых аддзелаў унутраных спраў РАУС, якія адмовіліся даць ёй інфармацыю аб бытавым забеспячэнні ІЧУ і абыходжанні з адміністрацыйна затрыманымі і арыштаванымі.
"Я звярнулася ў суды з скаргамі на дзеянні дзяржаўных органаў - раённых аддзелаў унутраных спраў, паколькі было ўшчэмленыя маё права на атрыманне поўнай і дакладнай інфармацыі аб дзейнасці дзяржаўных органаў, гарантаванае арт. 34 Канстытуцыі Рэспублікі Беларусь і п. 2 арт. 19 Міжнароднага пакта аб грамадзянскіх і палітычных правах"- заявіла праваабаронца.
31 снежня 2015 года суддзя суду Буда-Кашалёўскага раёна Святлана Лупічэнкавынесла вызначэнне аб спыненні вытворчасці па справе ў сувязі з яе непадведамаснасці суду. Згодна з вызначэннем суда "інфармацыя аб дзейнасці названых устаноў, якая змяшчаецца ў нарматыўных прававых актах Рэспублікі Беларусь, з'яўляецца агульнадаступнай, перашкоды ў яе атрыманні заяўнікам адсутнічаюць".
"Лічу, што суд мэтанакіравана заплюшчвае вочы на відавочныя рэчы. Я запытвала інфармацыю аб адпаведнасці рэальных умоў утрымання ў Буда-Кашалёўскім ІЧУ дзеючаму заканадаўству на падставе артыкула 34 Канстытуцыі Рэспублікі Беларусь. Адмова ў яе прадастаўленні і стала прычынай майго звароту ў суд", - пракаментавала Вікторыя Фёдарава.
"Падчас судовага пасяджэння мяне ўразіў наступны факт. Па словах начальніка ІЧУ Буда-Кашалёўскага РАУС Іванешка Ю.А.ў АУС маецца загад, згодна з якім запытаная інфармацыя адносіцца да службовай інфармацыі і прадастаўлена быць не можа. Пры гэтым, Іванешка Ю.А. не агучыў ні нумар гэтага загаду, ні орган, які выдаў гэты сакрэтны загад, а суд нават не палічыў патрэбным азнаёміцца з ім.
Такім чынам, лічу, што суд не толькі парушыў маё права на доступ да правасуддзя, спыніўшы вытворчасць па справе, але і фактычна стаў на бок Буда-Кашалёўскага РАУС: згодна вызначэнню суда я "пазбаўлена магчымасцi поўнасцю або часткова ажыццявіць права, прадастаўленае нарматыўным прававым актам" - лічыць праваабаронца.
Праваабаронца мае намер падаць прыватную скаргу ў Гомельскі абласны суд.
