Мікашэвічы: пікет забаранілі, школу зачынілі
Мікашэвіцкі гарвыканкам забараніў бацькам мясцовай школы №3 правядзенне пікету супраць закрыцця школы. Тым часам улады школу ліквідавалі, а вучняў і настаўнікаў размеркавалі па іншых установах.
Забарону масавага мерапрыемства ўлады абгрунтавалі адсутнасцю ў арганізатараў дамовы з праваахоўнымі органамі. Таксама чыноўнікі спаслаліся на парушэнне тэрмінаў падачы заявы на правядзенне пікетавання, хаця абраная дата акурат упісвалася ў прадугледжаны заканадаўствам пятнаццацідзённы тэрмін.
Цяпер у памяшканнях закрытай школы арганізаваны цэнтральны Дом дзіцячай творчасці. Варта адзначыць, што адной з галоўных прычын закрыцця мікашэвіцкай школы №3 чыноўнікамі называўся аварыйны стан будынка, пабудаванага яшчэ ў 1904 годзе. Гэта аднак не першкодзіла адкрыць тут іншую дзіцячую ўстанову наперакор патрабаванням бацькоў, вучняў і настаўнікаў.
