Праваабарончая праграма “Вясна” на Беларускім Радыё Рацыя
Кожны аўторак у 22:00 (паўтор у суботу ў 7:00) у эфіры незалежнай радыёстанцыі “Беларускае Радыё Рацыя” - праграма "Вясна", якая асвятляе падзеі, датычныя правоў чалавека на Беларусі.
Анонс выпуска:
“Хроніка”: Супраць журналістаў-фрылансераў Алеся Дзянісава і Алеся Кіркевіча распачата чарговая адміністрацыйная справа; Ініцыятыўнай групе Мікалая Статкевіча ЦВК адмовіў ў рэгістрацыі; Кіраўніку Праваабарончага цэнтру “Вясна” Алесю Бяляцкаму ўручылі прэмію імя Льва Сапегі.
"Каментар эксперта": Каардынатар кампаніі "Праваабаронцы супраць смяротнага пакарання" Андрэй Палуда распавядае пра першы ў гэтым годзе смяротны прысуд. Вышэйшая мера пакарання можа быць прыменена да жыхара Рэчыцы Сяргея Іванова.
"Падзея": Кампанія "Праваабаронцы за свабодныя выбары" апублікавала справаздачу за тыдзень 13 - 19 ліпеня. Сярод важнекйшых момантаў перадвыбарчага перыяду арганізатары звяртаюць увагу на шматлікія ўціскі як прыватных актывістаў, так і грамадзянскіх ініцыятыў. Яны адзначаюць, што калі ўзровень рэпрэсій даволі высокі, шэсць палітвязняў дагэтуль знаходзяцца ў турмах, незалежных журналістаў пераследуюць і прыцягваюць да адказнасці за іх прафесійную дзейнасць, а беларускія ўлады адкрыта дэманструюць грэбаванне правамі чалавека, вельмі цяжка казаць, што ў такім палітычным клімаце могуць адбывацца свабодныя і дэмакратычныя выбары.
"Асоба": Працяг гутаркі з Юрыем Чаўсавым, юрыстам Асамблеі дэмакратычных няўрадавых арганізацыяў Беларусі. Гутарка пойдзе пра цяжкасьці ў рэгістрацыі і ўмовах для дзейснасцімправаабарончых арганізацый, грамадскіх аб'яднанняў у параўнанні з камерцыйнымі структурамі.
У музычных паўзах - кампазіцыі Лявона Вольскага .
