“Вясноўцы” далучыліся да флэшмобу “Камітэта супраць катаванняў” (фота)

Праваабаронцы “Вясны” падтрымалі флэшмоб, ініцыяваны грамадскай арганізацыяй “Камітэт супраць катаванняў”. Сёння, 26 чэрвеня, дэмакратычнае грамадства, людзі добрай волі, у многіх краінах свету адзначаюць Міжнародны дзень ААН у падтрымку ахвяраў катаванняў. Гэты дзень праводзіцца з 1997 года з мэтаю выкаранення катаванняў і забеспячэння эфектыўнага функцыянавання Канвенцыі супраць катаванняў і іншых жорсткіх, бесчалавечных ці прыніжаючых годнасць відаў абыходжання і пакарання 1984 года, якая ўступіла ў сілу 26 чэрвеня 1987. Ад гэтае даты і адзначаецца Міжнародны дзень  у падтрымку ахвяраў катаванняў.