Улады неафіцыйна абяцаюць «амніставаць» забароненыя палітычныя сайты
28 сакавіка са сьпісу абмежаванага доступу выдалілі ўсе сайты, унесеныя да 1 студзеня 2015 году, і іх блякіроўка мае быць зьнятая цягам сутак, паведаміў партал electroname.com са спасылкай на «крыніцы ў тэлекамунікацыйнай галіне Беларусі».
Сайты, якія раней знаходзіліся ў «чорным сьпісе» для дзяржаўных структураў, установаў адукацыі і культуры, цяпер ня будуць блякавацца.
Паводле electroname.com, «пад амністыю» трапілі сайты «Хартыі '97» belaruspartisan.org, праваабарончага цэнтру "Вясна", prokopovi.ch, europeanbelarus.org, блог Яўгена Ліпковіча ды шэраг іншых сайтаў, якія знаходзіліся ў сьпісе абмежаванага доступу паводле рашэньня Генэральнай пракуратуры Беларусі.
Нагадаем, што ў пятніцу некаторыя правайдары пачалі блакіроўку «Хартыі-97», «Беларускага партызана» і сайта ПЦ «Вясна».
