Віталь Гуляк падаў скаргу ў КПЧ

Ваўкавыскі грамадскі актывіст Віталь Гуляк падаў скаргу ў Камітэт па правах чалавека ААН. Яе можна лічыць падвойнай – у адной скарзе аб’яднаны дзве справы. Адна частка датычыць забароны ў студзені-лютым 2014 года Ваўкавыскім райвыканкамам пікета і шэсця ў падтрымку Украіны. Другая часта скаргі датычыць прыцягнення Віталя Гуляка да адміністрацыйнай адказнасці за правядзенне несанкцыянаванага масавага мерапрыемства: у сакавіку 2014 ён быў затрыманы ў Ваўкавыску і аштрафаваны на 10 базавых велічынь за пікет з той жа мэтай: у падтрымку Украіны. Абскарджанні па гэтых справах на нацыянальным роўні не далі станоўчыха вынікаў,, і Віталь Гуляк скарыстаўся сваім правам індывідульнага звароту ў наднацыянальны орган па правах чалавека.