Палітвязень Юрый Рубцоў пачаў атрымліваць газеты
Палітвязень Юры Рубцоў. Фота Радыё Свабода.
Па словах Юрыя Рубцова, каб гэтага дамагчыся, спатрэбілася тэлефанаваць на пошту і пагражаць судовым разбіральніцтвам. Высветлілася, што газеты не даходзілі, бо застраваліся ў дзяжурнай частцы, адкуль яму іх не аддавалі.
-Магчыма, лічылі, што асуджаны Юрый Рубцоў і так занадта дзёрзкі і “не паддаецца перавыхаванню” з боку служачых спецкамендатуры. А калі будзе чытаць незалежныя газеты, то стане яшчэ горшым, -- жартуе палітзняволены.
26 лютага ён нарэшце атрымаў адразу дзве газеты: “Нашу ніву” і “Наша слова”.
Юрый Рубцоў адбывае пакаранне ў спецкамендатуры № 7 у в. Куплін Пружанскага раёна па абвінавачанні ў абразе суддзі падчас судовага працэсу за ўдзел у Чарнобыльскім ўляху ў майцы з надпісам: “Лукашэнка, сыходзь!” Пераслед грамадскага актывіста Юрыя Рубцова Amnesty International звязвае з парушэннямі свабоды сходаў у Беларусі.
