Праваабарончая праграма “Людзьмі звацца!” на Беларускім Радыё Рацыя

Кожны аўторак у 22:00 у эфіры незалежнай радыёстанцыі “Беларускае Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, "Падзея тыдня" ды “Асоба. Дзяржава. Грамадства”.

Анонс выпуску:

“Хроніка пераследу”: праблемы з правамі чалавека ў Беларусі агучаныя на канферэнцыі АБСЕ ў Варшаве; судовы пераслед незалежных журналістаў; крокі праваабаронцаў супраць дыскрымінацыі.

“Падзея тыдня”: у Страсбургу абвешчана імя лаурэата прэміі імя Вацлава Гавела. Прэмію атрымаў кіраўнік азербайджанскага Цэнтра маніторынгу выбараў і навучання дэмакратыі Анар Мамедлі, які паводле палітычна матываванага прысуду знаходзіцца за кратамі.   

“Асоба. Дзяржава. Грамадства”: эксперт-юрыст Праваабарончага цэнтру “Вясна” Павел Сапелка, які даследваў умовы ўтрымання ў спецыяльных навучальных установах і прыёмніках-размеркавальніках для непаўналетніх.

У музычных паўзах прагучаць  песні гурта з Мар’інай Горкі “Аварыйнае выйсце”