Праваабарончая праграма “Людзьмі звацца!” на Беларускім Радыё Рацыя
Кожны аўторак у 22:00 у эфіры незалежнай радыёстанцыі “Беларускае Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, "Падзея тыдня" ды “Асоба. Дзяржава. Грамадства”.
Анонс выпуску:
“Хроніка пераследу”: найбольш гучныя парушэнні правоў чалавека за мінулы тыдзень ды іншыя навіны і факты.
“Падзея тыдня”: асноўныя акцэнты альтэрнатыўнага дакладу праваабарончых арганізацый Беларусі, накіраванага ў ААН у рамках працэдуры Універсальнага перыядычнага агляду.
“Асоба. Дзяржава. Грамадства”: каардынатар Школы па правах чалавека Андрэй Палуда -пра асаблівасці сённяшняй дзейнасці ўкраінскіх калегаў, з якімі ён супрацоўнічае ў адукацыйных праграмах.
У музычных паўзах - кампазіцыі Лявона Вольскага з альбома “Грамадазнаўства”.
