Праваабарончая праграма “Людзьмі звацца!” на Беларускім Радыё Рацыя
Кожны аўторак у 22:00 у эфіры незалежнай радыёстанцыі “Беларускае Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, "Падзея тыдня" ды “Асоба. Дзяржава. Грамадства”.
Анонс выпуску:
“Хроніка пераследу”: практыка прэвентыўнага затрымання і арышту грамадскіх актывістаў напоўніцу выкарыстоўваецца супрацоўнікамі міліцыі; новую хвалю ціску на незалежных журналістаў адзначаюць эксперты Беларускай асацыяцыі журналістаў.
“Падзея тыдня”: Мінск патрапіў у цэнтр увагі сусветнай палітыкі як перамоўная пляцоўка для прэзідэнтаў краінаў Мытнага Саюза, Украіны і прадстаўнікоў Еўрасаюза. Беларускія праваабаронцы лічаць, што прэзідэнт Лукашэнка скарыстаўся гэтым дзеля паляпшэння сваёй пазіцыі на міжнароднай арэне.
“Асоба. Дзяржава. Грамадства”: беларуская праваабаронца Наста Лойка распавядае пра сваю працу з вымушанымі перасяленцамі ў валанцёрскай ініцыятыве “Станцыя “Харкаў” ва Украіне.
У музычных паўзах - песні беларускага рэп-спевака Вінцэнта.
