Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай радыёстанцыі “Беларускае Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Дзяржава. Грамадства”.
Анонс выпуску:
“Хроніка пераследу”: За мінулы тыдзень беларуская дзяржава неаднаразова трапіла пад крытыку ўплывовых міжнародных арганізацыяў за парушэнні правоў чалавека. Занепакоенасць на гэты конт выказалі Спецдакладчык ААН па правах чалавека ў Беларусі Міклаш Харашці і прадстаўнік АБСЕ па пытаннях свабоды СМІ Дунья Міятавіч.
“Падзея тыдня”: Рэакцыя міжнароднай супольнасці на доўгачаканае вызваленне праваабаронцы Алеся Бяляцкага.
“Асоба. Дзяржава. Грамадства”: 23 чэрвеня старшыня Праваабарончага цэнтру “Вясна” і віцэ-прэзідэнт Міжнароднай федэрацыі за правы чалавека Алесь Бяляцкі даў першую пасля вызвалення прэс-канферэнцыю. На доўгачаканую сустрэчу сабраліся вядучыя беларускія журналісты, прадстаўнікі дыпламатычнага корпусу і грамадскага сектару, дэмакратычныя актывісты. Праваабаронца адказаў на дзесяткі пытанняў прадстаўнікоў незалежных СМІ.
У музычных паўзах - кампазіцыі пра вясну ў выкананні беларускіх і ўкраінскіх музыкаў. Спадзяемся, наш выбар вам зразумелы!
Слухаць выпуск:
