У Мікашэвічах дождж залівае дзіцячы садок (фота)

У Мікашэвічах на рамонт даху ў дзіцячым садку №1 пад назвай “Чабурашка” няма грошай. Так адказвае мясцовая ўлада на скаргі бацькоў, дзеці якіх ходзяць у гэты садок. Дах як сіта. Вада цячэ паўсюль: у калідоры, спальні, пакоі для гульняў. Палову садка адключана ад электрычнасці – кіраўніцтва садка баіцца, каб не забіла каго.

Не так даўно пад час выбарчай кампаніі 15 праўладных кандыдатаў, і ў тым ліку старшыня гарвыканкама Анатоль Давыдовіч, абяцалі жыхарам Мікашэвічаў значна палепшыць сацыяльныя ўмовы. Актывіст кампаніі “Гавары праўду”, экс-кандыдат у гарадскі савет Леанід Дубаносаў адзначае:

- Але цяпер яны хаваюцца за кароннай фразай: “няма грошай”. Дык куды дзяваюцца грошы? Прадпрыемствы ўсе працуюць, заробкі выплачваюцца, з іх грошы адлічваюцца ў бюджэт. А іх чамусьці ўсё няма, а можа яны ідуць не туды, куды найбольш патрэбны.

І іншыя садкі ў Мікашэвічах не ў лепшым стане, дадае Л. Дубаносаў.