Журналіст Беларускага Радыё Рацыя на волі пасля арышту
Яўген Скрабец. Фота: Радыё Рацыя.
Журналіст Беларускага Радыё Рацыя Яўген Скрабец выйшаў на волю пасля 10-ці сутак арышту.
Як паведаміў сам Яўген Скрабец, свой арышт ён збіраецца абскарджваць:
"У чацвер а 9.30 раніцы будзе разгледжана касацыйная скарга. Буду спрабаваць абскардзіць гэтае рашэнне, якое суд прыняў раней, каб асудзіць мяне на гэтыя 10-ць сутак. Турма ёсць турма, суткі ёсць суткі, нічога там добрага ці кепскага няма. Натуральна, адзінае, гэта час, які можна было б плённа выкарыстаць".
Па словах журналіста, адміністрацыя ізалятара ставілася да яго нармальна, але забараніла перадаваць ежу.
26 красавіка Яўгена Скрабца выклікалі ў міліцыю “дзеля апытання”, дзе паведамілі пра тое, што ён нібыта падобны да ўдзельніка бойкі, якая здарылася ў горадзе, а пазней перайшлі да пытанняў пра супрацу з Беларускім Радыё Рацыя.
