Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай радыёстанцыі “Беларускае Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня”, “Асоба. Дзяржава. Грамадства” ды “Навіны палітвязняў”.
Анонс выпуску:
“Хроніка пераследу”: свабода слова ў Беларусі - Андрэй Пачобут і Жанна Літвіна трапілі ў сусветны "Спіс герояў інфармацыі"; аб прымусовым высяленні 185 сем'яў з інтэрнату ў Ваўкавыску.
"Падзея тыдня": зварот шэрагу праваабарончых арганізацый, які тычыцца парушэнняў правоў чалавека ў Беларусі напярэдадні Чэмпіянату свету па хакеі, які пройдзе ў Менску з 9 па 25 траўня.
“Асоба. Дзяржава. Грамадства”: Праваабаронцы і лідэры грамадскіх арганізацый Арменіі асцерагаюцца, што інтэграцыя з Расіяй негатыўна адаб'ецца на сітуацыі з правамі чалавека ў краіне. Пра гэта распавядае старшыня Армянскага Хельсінкскага камітэта Авецік Ішханян.
"Навіны палітвязняў": Міжнародная Федэрацыя за Правы Чалавека (FIDH) і Праваабарончы цэнтр «Вясна» падрыхтавалі аналітычны дакумент аб становішчы палітзняволеных у Беларусі. Праваабаронцы канстатуюць, што становішча 9 палітычных зняволеных у Беларусі крытычнае, а свабода яшчэ 32 актывістаў сур'ёзна абмежаванае.
У музычных паўзах - песні Паліны Рэспублікі.
Слухаць выпуск:
