viasna on patreon

Транспарэнтнасць - інфармацыйная празрыстасць беларускіх універсітэтаў

2014 2014-04-22T13:23:11+0300 2014-04-22T13:23:11+0300 be https://spring96.org/files/images/sources/studenty.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Студэнты і шэраг моладзевых арганізацый і ініцыятыў, сумесна з парталам zvarot.by запускаюць кампанію па транспарэнтнасці (празрыстасці) беларускіх універсітэтаў, з мэтай паляпшэння якасці адукацыі, стварэння канкурэнтнага асяроддзя адукацыйных паслуг і барацьбы з карупцыяй у сферы адукацыі.
Транспарэнтнасць сістэмы адукацыі ўяўляе сабой адкрытасць у
фінансава-эканамічнай,нарматыўна-прававой ікіраўнічай сферы ўстаноў адукацыі.
Гэты асяродак, у якім адукацыйныя ўстановы і арганізацыі ўяўляюць ўсім зацікаўленым бакам неабходную для прыняцця рацыянальных рашэнняў інфармацыю ў адкрытай, поўнай, своечасовай і зразумелай форме.
Публічная справаздачнасць дапаможа студэнтам у выбары прафесіі і месца навучання, выкладчыкам ў выбары ВНУ з лепшымі магчымасцямі для працы, а адміністрацыі ВНУ змогуць працаваць у канкурэнтным асяроддзі, паляпшаючы якасць адукацыі.
У межах кампаніі ўжо было накіраваны ліст у Міністэрства адукацыі Рэспублікі Беларусь («Аб сістэме публічнай справаздачнасці устаноў адукацыі») і шэраг універсітэтаў краіны. Падрыхтаваны прапановы для разгляду Нацыянальным сходам Рэспублікі Беларусі праекта Закона Рэспублікі Беларусі «Аб унясенні дапаўненняў і змяненняў у Кодэкс Рэспублікі Беларусь аб адукацыі».
Сумесна з моладзевымі ініцыятывамі партал zvarot.by запускае кампанію  па накіраванні індывідуальных зваротаў у Міністэрства адукацыі і Палату прадстаўнікоў Рэспублікі Беларусь з прапановамі па ўнясенню змяненняў у Кодэкс аб адукацыі, якія тычыліся б празрыстасці бюджэтаў ўстаноў адукацыі.

Апошнія навіны

Партнёрства

Сяброўства