Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай радыёстанцыі “Беларускае Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня”, “Асоба. Дзяржава. Грамадства” ды “Навіны палітвязняў”.
Анонс выпуску
“Хроніка пераследу”: Аляксандр Груноў падаў наглядную скаргу на вынесены Вярхоўным судом смяротны прысуд. Малады чалавек таксама звярнуўся з прашэннем аб памілаванні на імя Лукашэнкі.
"Падзея тыдня": у адносінах да Паўла Селюна выкананы смяротны прысуд.
“Асоба. Дзяржава. Грамадства”: 17 красавіка прайшло грамадскае слуханне па праекце дэталёвага планавання тэрыторыі ў раёне мемарыяла Курапаты. Згодна з праектам з усходняга боку мемарыяла неўзабаве з'явіцца гандлёва-выставачны комплекс. У выніку ахоўная зона можа наогул знікнуць. Гэта турбуе грамадскіх актывістаў. Каардынатар ініцыятыўнай групы “За выратаванне Курапатаў” Уладзімір Раманоўскі распавёў падрабязнасці.
"Навіны палітвязняў": Мікалай Статкевіч адчувае падтрымку “Міжнароднай амністыі”, яму пішуць лісты з Германіі, Францыі, Галандыі. Праваабаронцы і грамадскія актывісты з розных гарадоў Беларусі павіншавалі палітвязняў з Вялікаднем.
У музычных паўзах - пазітыўныя вясновыя песні ў выкананні гуртоў “Воплі відаплясава”, “ДДТ”, “Акеан Эльзы” і “Людзі на балоце”.
Слухаць выпуск:
