Суд Цэнтральнага раёну пакараў арыштамі ўдзельнікаў акцыі супраць льгот

Суд Цэнтральнага раёну асудзіў моладзевага актывіста Паўла Вінаградава на 5 сутак адміністратыўнага арышту, а Паўла Маркевіча на трое сутак.

Нагадаем, 1 чэрвеня ў Менску супрацоўнікамі палка міліцыі спецыяльнага прызначэньня была жорстка разагнаная акцыя пратэсту студэнтаў супраць адмены льгот. У выніку пяцёра актывістаў былі затрыманыя і правялі амаль  трое сутак у спецпрыёмніку-размеркавальніку на Акрэсьціна. Зьбіты Ільля Шуст знаходзіцца ў 4-ым гарадскім шпіталі, медыкі зафіксавалі ў хлопца шматлікія цялесныя пашкоджаньні.