Пад час разгону студэнцкай акцыі было затрымана шасцёра актывістаў

Як стала вядома ПЦ “Вясна”, пад час разгону акцыі пратэсту студэнтаў супраць адмены льгот былі затрыманы 6 удзельнікаў. Гэта Павел Вінаградаў, Вадзім Баравік, Павел Чумакоў, Павел Вільтоўскі, Аляксандр Баразенка і Павел Маркевіч. Сёньня ў судзе Цэнтральнага раёна Менска адбудуцца суды над затрыманымі актывістамі.

Нагадаем, што акцыя пратэсту студэнтаў супраць адмены льгот была жорстка разагнаная 1 чэрвеня ў Менску супрацоўнікамі палка міліцыі спецыяльнага прызначэння, з прымяненьнем фізічнай сілы. Адзін з яе ўдзельнікаў Ільля Шуст знаходзіцца ў 4-ым гарадскім шпіталі. Медыкі зафіксавалі ў хлопца садно левай ныркі, падазрэньне на чэрапна-мазгавую траўму.