Канадзкі ўрад лічыць небясьпечнымі стажыроўкі праваабаронцаў у Беларусі.

Канадзкая праваабарончая арганізацыя “Human Rights Internet” вырашыла не накіроўваць свайго актывіста Дэрэка Мартына на стажыроўку ў Беларусь.
Дэрэк Мартын плянаваў стажыравацца ў Беларускім Хэльсынскім камітэце 6 месяцаў, але Дэпартамент міжнародных дачыненьняў ураду Канады, які дасьледаваў магчымасьць гэтай паездкі, вырашыў, што яна можа быць для яго занадта рызыкоўнай.

У Беларускім Хэльсынскім камітэце мяркуюць, што гэтае рашэньне зьвязанае зь нядаўняй высылкай зь Беларусі грамадзяніна Нямеччыны Яна Буша, які супрацоўнічаў з моладзевымі палітычнымі арганізацыямі Беларусі. Таксама рашэньне канадзкіх чыноўнікаў зьвязваюць зь перасьледам няўрадавых, у тым ліку праваабарончых арганізацыяў у Беларусі.
Канадзкая праваабарончая арганізацыя “Human Rights Internet” вырашыла не накіроўваць свайго актывіста Дэрэка Мартына на стажыроўку ў Беларусь.
Паводле Радыё Свабода.