Бабруйск: Толькі пяць кандыдатаў стварылі фонды

З 88 кандыдатаў у мясцовы Савет і 26 у абласны толькі пяць скарысталіся магчымасцю стварэння ўласных выбарчых фондаў. Нагадаем, што з бягучага года кандыдатам не выдаткоўваюцца сродкі на вядзенне перадвыбарчай агітацыі, і яны павінны самі фармаваць свае фонды праз афармленне спецыяльных выбарчых рахункаў у банку.

Рахункі адкрылі два кандыдаты ў аблсавет - Алена Гардынец, беспартыйная, загадчыца дзіцячага садка № 81, і Уладзімір Яўсеенкаў, сябра ЛДП, індывідуальны прадпрымальнік. Таксама ўласныя фонды сфармавалі тры каныдыдаты ў гарсавет: Руслан Чэвычэлаў - беспартыйны, дырэктар будаўнічага прадпрыемства "Бугель", Святлана Грыцэнка - бібліятэкар, сябра БХД, Данута Дз'ячэнка - лекар-стаматолаг, сябра БХД.

“Праваабаронцы за свабодныя выбары”