Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай радыёстанцыі “Беларускае Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня”, “Асоба. Дзяржава. Грамадства” ды “Навіны палітвязняў”.
Анонс выпуску:
“Хроніка пераследу”: за што звольнены начальнік брэсцкай міліцыі і чаму дэпутаты ніжняй палаты парламента Зазуля і Краўцоў мусяць скласці свае паўнамоцтвы.
"Падзея тыдня": беларускія праваабаронцы выступілі з патрабаваннямі да прэзідэнта Расіі Пуціна ў сувязі з падзеямі ва Украіне.
“Асоба. Дзяржава. Грамадства”: гутарка з дырэктарам цэнтра "Адкрытыя дзверы" Аленай Ціханавай пра дыскрымінацыю інвалідаў у Беларусі.
"Навіны палітвязняў": мэта правакацый супраць палітвязня Міколы Статкевіча – прашэнне пра памілаванне; маці палітвязня Эдуарда Лобава не верыць у амністыю для сына.
У музычных паўзах – старыя добрыя кампазіцыі гурта “Крама”.
Слухаць выпуск:
